Уншдаг хүн хөгждөг: Ном унших аргууд
Та эхлээд нэвтэрсэн байх шаардлагатай.
Тайлбар
Та зорилготойгоор мэдлэгээ тэлж, асуултдаа хариу хайж, өөртөө хэрэгтэй номоо унших гэж байгаа бол эхлээд энэ номыг уншаарай.
Хүн бүхэн өөрийгөө ном уншиж чаддаг гэж боддог. 35 үсгээ мэддэг, үг өгүүлбэр холбож уншдаг байх нь хангалтгүй. Насанд хүрэгчид, ихэнх эрдэмтэд ч гэсэн ном уншихад суралцаагүй л байдаг.
Хүн бүхэн уншсан номоо яг адилхан ойлгож чаддагсан бол нийгэм аль хэдийн хөгжих байсан. Улс орнууд ч бүгд шинжлэх ухаан, боловсрол, технологийн адилхан түвшинд байхсан.
Ном унших чадварт ч бас хэл сурдагтай адилхан чадварын түвшнүүд, өөрийн гэсэн арга, техникүүд бий. Гадаад хэл сурах, машин жолоодоход сурч, дүрмээ мэддэг болох, бас дадлага хийх хэрэгтэй байдаг шиг ном уншихад бас дадлагажиж, аргыг нь сурч болно.
Ном унших шат дараалсан арга барилуудыг энэ номоос сурч эзэмшээрэй. Энэ ном таны ном унших бүрт тань тусалж, гарын авлага, ширээний ном байх болно.
Гол санаануудыг олж харах, ойлгох, бүтэцчилж унших, анализ хийж эргэцүүлэх, мөр хооронд бичсэнийг ойлгож унших, сэдвийг бүхэлд нь том дүр зургаар нь олж харах, өөрийн мэдлэгтэй харилцах, сэтгэгдэл мэдрэмжийг шинжлэх ухааны баримт, нотолгооноос ялгаж ойлгох, номын тэмдэглэл хөтөлж сурах, зохиогчтой эргэж харилцах аргуудыг эндээс үзээрэй.
Ном унших аргыг эзэмшсэн хүн хэдийд ч бусдаас гурван алхам урд явдаг. Бусад нь бол хойноос нь л дагадаг.
* * *
Хуудасны тоо: 194
Хэвлэсэн: 2022
Хэмжээ: 205 х 145 х 15 мм
Онцлох тайлбар
Санал сэтгэгдэл
Сэтгэгдэл олдсонгүй